Homiladorlikning har trimestrida tananing o'zgarishi

Agar homiladorlik testining natijasi ijobiy bo'lsa, tabrigimizni qabul qiling-siz ajoyib sayohatga yo'l olyapsiz!

Ehtimol, sizning boshingiz "Mening tanam qanday o'zgaradi?" va "Bola qanchalik tez rivojlanadi?" kabi savollar bilan to'lib toshgan bo'lsa kerak? Homiladorlik ayollarda turli xil kechishiga qaramasdan, homiladorlikning uch trimesterida (bosqichlarida) nimani kutishingiz mumkinligini tasvirlab beramiz.

Har haftalik homiladorlik bo'yicha batafsil ko'rsatma olish uchun haftalik bepul elektron pochta xabarnomamizga obuna bo'ling.

Birinchi trimestr: 1-12 hafta

Homiladorlik davri oxirgi hayzning birinchi kunidan boshlab hisoblanadi, chunki homiladorlik kunini aniq aniqlash qiyin. Homiladorlik odatda hayz davrining o'rtasida sodir bo'lganligi sababli, aslida dastlabki ikki hafta mobaynida siz homilador emassiz, ammo bu davr homiladorlikning boshlanishi sifatida qabul qilinadi.

3-haftada tuxumhujayraning urug'lanishi sodir bo'lgandan so'ng, gormonlar asta-sekin tanangizda o'zgarishlar qila boshlaydi. Natijada sizda quyidagi alomatlardan ba'zilari paydo bo'lishi mumkin:

Homiladorlikning 1-trimestrida ayollarning 80% ⁴ gacha qismi ko'ngil aynishi va qayt qilish kabi alomatlarga ega ertalabki lohaslikka duchor bo'ladi.

Ertalabki lohaslik Homiladorlik uchun xos bo'lgan gormonlar darajasining oshishi natijasida 1 -trimestrdagi 80% ⁴ ayollarda ko'ngil aynishi va qayt qilish kabi alomatlar bilan ertalabki lohaslikni boshdan kechiradi. Bunday lohaslik faqat ertalab kuzatilishi mumkinligi haqidagi fikr keng tarqalgan noto'g'ri tushunchadir. Aslida, alomatlar kunduzi yoki kechasi istalgan vaqtda paydo bo'lishi mumkin. Har 5 ayoldan bittasida ertalabki lohaslik homiladorlikning 2 -trimestrida ro'y beradi va ba'zida butun homiladorlik davomida davom etishi mumkin.

Agar siz ertalabki lohaslikka duch kelsangiz, ko'ngil aynishiga olib keladigan ovqatdan saqlaning, kam va tez -tez ovqatlaning, yog'li va achchiq ovqatlardan saqlaning va ko'p suv iching. Agar siz og'ir yoki bezovta qiluvchi alomatlarni sezsangiz, shifokoringizga murojaat qiling.
Sut bezlarida o'zgarishlar. Sut bezlari kattalasha boshlaydi va og'riq paydo bo'lishi mumkin. Emchak uchlari kattalashadi, qorayadi va bo'rtib chiqadi.
Charchoq. Ortiqcha progesteron gormoni sizda charchoq va uyquchanlik hissini keltirib chiqarishi mumkin. Imkon qadar tez-tez gorizontal holatda oyoqlaringizni ko'tarib dam oling va imkon qadar yaxshi ovqatlaning, agar siz ertalabki lohaslikdan qiynalayotgan bo'lsangiz, bu oson bo'lmaydi!
Hissiy sezgilar darajasi ortadi. Gormonlar miqdorining ortishi natijasida paydo bo'lgan yuqori darajadagi hissiy sezuvchanlik normal holat hisoblanadi. Bu yerda sizning turmush o'rtog'ingiz va yaqinlaringizning tushunishi va sabr qilishi juda muhimdir.
Ovqatga qiziqish va yoqtirmaslik. Ehtimol siz bir taomni toqat qila olmasligingiz va boshqasiga odatlanib qolganingiz ma'lum bo'lishi mumkin. Odatda, bu muammo emas, agar siz bo'r kabi g'alati mahsulotlarni iste'mol qilishni xohlamasangiz albatta. Agar siz vaziyatdan xavotirda bo'lsangiz, shifokoringizga murojaat qiling.
Tez -tez siyish. Tanadagi suyuqlik miqdori oshgani sayin, bachadon qovuqni siqadi, natijada siz tez-tez hojatxonaga borishni xohlab qolasiz. Ehtiyoj sezganingizda, hojatxonaga boring-bu qovuqqa bosimni kamaytiradi.
Bosh aylanish hissi. Ba'zan sizda ozgina bosh aylanishi paydo bo'lishi mumkin(bu gormonal o'zgarishlarning natijasidir). Uzoq vaqt davomida oyoqda tik turmaslikka, o'tirgan yoki yotgan holatingizdan asta-sekin turishga harakat qiling. Agar boshingiz qattiq aylansa, darhol shifokorga murojaat qiling.
Jig'ildon qaynashi va ich qotishi. Ovqatni uzoqroq hazm qilish uchun ovqat hazm qilish tizimingizning ishi sekinlashadi. Bu jig'ildon qaynashi va ich qotishiga olib kelishi mumkin.

Jig'ildon qaynashidan qutulish uchun muntazam vaqt oralig'ida kichik porsiyalarda ovqatlanishga harakat qiling va qovurilgan yoki achchiq ovqatlardan, shuningdek, gazlangan ichimliklardan saqlaning. Bundan tashqari, homiladorlik paytida qabul qilinishi mumkin bo'lgan antatsid qo'shimchasi, masalan, Renni, jig'ildon qaynashida yordam berishi mumkin.

Qabziyatda kletchatkaga boy ovqatlar, jismoniy faol bo'lish va ko'p miqdorda suv ichish yordam beradi. Agar siz surgi dori ichishni rejalashtirayotgan bo'lsangiz, shifokoringiz bilan maslahatlashing. Bizning "Homiladorlik paytida ich qotishi haqida ba'zi faktlar" nomli bepul ma'lumotnomamizni bepul yuklab oling.

Homiladorlik 1-trimestrining asosiy bosqichlari

Urug'lanishdan taxminan 7 kun o'tgach, homila bachadon devoriga joylashadi. Homilani oziqlantirish va himoya qilish maqsadida yo'ldosh, kindik va amniotik suyuqlik hosil bo'ladi.
Homiladorlikning dastlabki 12 xaftaligi oxirida bachadon qorin devori orqali seziladi, qorin kattalasha boshlaydi.

Homiladorlikning 1 -trimestrida bolaning rivojlanishi

1-trimestr oxirida:

Bolaning barcha asosiy a'zolari shakllangan, qon aylanish tizimi ishlamoqda.
Jinsiy organlar rivojlanishni boshlaydi.
Qo'l va oyoqlarda barmoqlar hosil bo'ladi, tirnoqlar paydo bo'ladi.
Yuz tuzilishi shakllandi.
Bola tanasining uzunligi boshdan oyog'igacha 6 santimetr atrofida bo'lib, uni allaqachon tanib olish mumkin. Bola amniotik qopchada harakat qiladi, lekin siz hali ham uning harakatini sezmaysiz.

Ikkinchi trimestr: 13-26 hafta

Aksariyat ayollarda ertalabki lohaslikning yo'qolishi, sut bezlarida og'riqlar va charchoq hissi yo'qolishi bilan homiladorlikning 2-trimestri birinchi trimesterga qaraganda ko'proq zavq baxsh etadi. Ammo boshqa alomatlar paydo bo'lishiga tayyor bo'ling!

Og'riqlar. Tana to'qimalarining cho'zilishi natijasida biqin va qorin ostida og'riq bo'lishi mumkin. Ortiqcha vazn bel og'rig'iga va oyoqlarning tortishishlariga sabab bo'lishi mumkin. Shifokor sizga bunday holatlarda oddiy mashqlarni qilishni maslahat beradi.
Burun bitishi. Gormonlar darajasining oshishi burun bitishi va burundan qon ketishiga olib kelishi mumkin.
Yumshoq milklar. Sizning milklaringiz qonaydigan bo'lib qoladi, shuning uchun og'iz bo'shlig'ining gigienasi alohida e'tibor va tish cho'tkasidan ehtiyotkorlik bilan foydalanishni talab qiladi.
Bolaning o'sishi bilan bog'liq qorin terisi cho'zilishi natijasida qichishi mumkin. Cho'zilishdan saqlanish uchun har kuni namlantiruvchi kremdan foydalanishga harakat qiling!

Teri qichishi. Bolaning o'sishi bilan bog'liq qorin terisi cho'zilishi natijasida qichishi mumkin. Cho'zilishdan saqlanish uchun har kuni namlantiruvchi kremdan foydalanishga harakat qiling!

Venalarning varikoz kengayishi va bavosir. Homiladorlik paytida sizda venalarning varikoz kengayishi va bavosirga chalinish ehtimoli ko'proq bo'ladi. Uzoq vaqt turmaslikka yoki o'tirmaslikka harakat qiling, yoki o'tirgan holatda oyoqlaringizni chalishtirmang. Agar sizda anal teshikda noqulaylik yoki og'riq paydo bo'lsa, shifokor bavosirga qarshi vositani buyurishi mumkin.
Qindan ajralib chiqishlar. Homiladorlikning bu davrida leykoreya deb ataladigan oq suyuqlikning qindan ajralib chiqishi odatiy hol hisoblanadi. Bunday ajraluvchi suyuqlik qinni sog'lom holda saqlashga yordam beradi. Agar sizda boshqa turdagi yoki rangdagi suyuqlik ajralishi aniqlansa, shifokor bilan maslahatlashish uchun murojaat qiling.
Teri pigmentatsiyasining buzilishi. Homiladorlik gormonlari tufayli yuz va qorinda qora dog'lar paydo bo'lishi mumkin. Quyosh qora dog'larning ko'payishini kuchaytirishi mumkin, shuning uchun tashqariga chiqqanda quyosh nuridan himoyalovchi kremdan foydalaning. Terini himoyalovchi vositasiz quyoshda yurish taqiqlanadi!
Nafas qisilishi. Sizning o'pkangiz chaqalog'ingizning ehtiyojlarini qondirish uchun ko'proq kislorod o'tishiga yo'l qo'yganligi sababli, sizda nafas qisilishi yoki nafas olishingiz tezlashishi mumkin.
Ishtahaning oshishi. Bolaning o'sib borishi bilan sizda doimo ochlik tuyg'usi paydo bo'lishi mumkin, ammo "ikki kishi uchun ovqat yeyish"ning keragi yo'q. Agar tamaddi qilib olishingiz kerak bo'lsa, meva yoki yogurt kabi foydali ovqatlarni tanlang.

Homiladorlik 2-trimestrining asosiy bosqichlari

Birinchi marta homiladorlikning 18-20 haftasida bolaning harakatini his qilishingiz mumkin. Bu hodisa "jonlanish" deb nomlanadi va dastlab qorin bo'shlig'ida titroq kabi his etiladi.
Bolaning o'sishi bilan sizning qorningiz o'sa boshlaydi.

Homiladorlikning 2 -trimestrida bolaning rivojlanishi

2-trimestr oxirida:

Farzandingiz harakat qilib, teginish va ovozlarni sezadi.
Ko'z qovoqlari ochila boshlaydi, qoshlar va kirpiklar ko'rinadi.
Terisi nozik momiqqa o'xshash tuklar va oq-sariq dastlabki moddalar bilan qoplangan bo'ladi.
Yutish va emish reflekslari rivojlanadi.
Boshida sochlar o'sa boshladi.
Barmoqlarda barmoq izlari paydo bo'ladi.
Bola tanasining uzunligi boshdan oyog'igacha 23 santimetr atrofida bo'ladi.

Uchinchi trimestr: 27 -hafta - tug'ilish

Bola deyarli shakllanib bo'ldi! Homiladorlikning so'nggi haftalarida, chaqaloq vazn to'plashni davom ettirganda va yopiq muhitda harakatlar qilganda, siz o'zingizni yanada qulay his qilishingiz mumkin. Iloji boricha ko'proq dam olishga harakat qiling. Homiladorlik 2-trimestrining belgilariga quyidagilar qo'shilishi mumkin:

Qo'l, oyoq va yuzning shishishi. Tanadagi ortiqcha suyuqlik qo'llar, oyoqlar va yuzning shishishiga olib kelishi mumkin. Iloji bo'lsa, gorizontal holatda tez -tez dam olishga harakat qiling, oyoqlaringizni yuqoriga ko'taring, bu qon aylanishini yaxshilaydi va oyoqlarning charchashini ketkazadi.
Emchak uchidan ajralib chiqishlar. Emchak uchidan, sut paydo bo'lishidan oldin chaqaloq ovqatlanadigan suyuqlik-og'iz suti oqib chiqishi mumkin. Kiyimlaringiz dog' bo'lmasligi uchun byustgalter ichiga maxsus qistirmalarni joylashtiring.

Farzandingiz tug'ilishga tayyorgarlik ko'rmoqda va siz yengil "mashq" to'lg'oqlarini sezishingiz mumkin

Brexton-Xiks to'lg'oqlari Farzandingiz tug'ilishga tayyorgarlik ko'rmoqda va siz yengil "mashq" to'lg'oqlarini sezishingiz mumkin Muntazam vaqt ichida paydo bo'lib, yo'qoladigan bu to'lg'oqlar Brexton-Xiks to'lg'oqlari deb ataladi. Agar to'lg'oqlar kuchli va uzoq davom etsa, shifokorni chaqiring. Bu tug'ruq boshlanishi bo'lishi mumkin.

Homiladorlik 3-trimestrining asosiy bosqichlari

Homiladorlik paytida vazningiz 10-16 kg ga ortadi. Vaznning ortishi, asosan, bolaning vazni, yo'ldosh va amniotik suyuqlik va ayolning tanasida yog' hamda suyuqlik miqdorining ortishi hisobiga hosil bo'ladi.
37 hafta homiladorlikning to'liq muddati hisoblanadi.

Homiladorlikning 3 -trimestrida bolaning rivojlanishi

Uchinchi trimestr oxirida:

Chaqaloq tosda boshi pastga qaratilgan holatda bo'lib, tug'ilishga tayyorgarlik ko'radi.
Bola tanasining tizimlari rivojlangan va mustaqil ishlashga tayyor.
Yumshoq, tanani qoplab olgan momiq tuklari yo'qolgan.
Bola tanasining uzunligi boshidan oyog'igacha taxminan 46-56 sm.

Ma'lumot manbalari:

1. Oshqozon-ichak trakti kasalliklari bo'yicha mutaxassislar guruhi Terapevtik qo'llanma: oshqozon-ichak trakti kasalliklari 5-versiya
2. Melburn: Therapeutic Guidelines Limited; 2011 y

CH-20230227-54

Yana o'qish