Homiladorlikka tayyorgarlik ko'rayotganda reproduktiv siklingizni qanday aniqlash mumkin?
Hayz ko'rish davrining kunlarini kalendar ro'yxatga olish homilador bo'lish ehtimoli yuqori bo'lgan davrni aniqlashga va homilador bo'lish ehtimolini oshirishga yordam beradi.
Organizmingiz homiladorlikka qanday tayyorgarlik ko'radi?
Har oy tuxumdonlardan birida tuxumhujayra pishadi. Bu vaqtda bachadon urug'lanishga tayyorgarlik ko'radi va bachadon bo'yni shilliq pardasi suyuqlashadi, bu esa sperma o'tishini osonlashtiradi. Ovulyatsiya bachadon bo'shlig'iga tuxumhujayraning chiqishini anglatadi.
Tuxumhujayra ovulyatsiyadan keyin 24 soat ichida urug'lantirilishi mumkin.
Tuxumhujayra ovulyatsiyadan keyin 24 soat ichida, bachadon naychasidan bachadonga o'tayotganda urug'lantirilishi mumkin. Agar tuxumhujayra spermatozoid bilan muvaffaqiyatli urug'lantirilsa, u bachadon shilliq qavatiga birikadi, shundan keyin embrion(bo'lajak chaqaloq)ning rivojlanishi boshlanadi.
Homilador bo'lish uchun eng qulay vaqt haqida tushuncha
Homilador bo'lish va jinsiy aloqa uchun eng yaxshi vaqt - ovulyatsiyadan oldingi bir necha kun va ovulyatsiya kuni hisoblanadi.
Agar siz turmush o'rtog'ingiz bilan aloqani ovulyatsiya boshlangunga qadar ortga surgan bo'lsangiz, sperma o'z vaqtida tuxumhujayraga yetib bormasligi va urug'lantirish sodir bo'lmasligi mumkin. Sperma bir necha kun davomida bachadon bo'shlig'ida tirik bo'ladi, ya'ni homilador bo'lish ehtimolini oshirish uchun rejalashtirilgan ovulyatsiyadan 1-2 kun oldin jinsiy aloqa qilish eng maqbuldir.
Serpushtlik eng yuqori bo'lgan davrda jinsiy aloqa homilador bo'lish ehtimolini oshirishga yordam berishi mumkin.
Ovulyatsiya boshlanishini qanday aniqlash mumkin
Turli xil ayollarning hayz ko'rish davrlari turlicha, shuning uchun sizga ovulyatsiya sanasini aniqlashga yordam beradigan dasturni ishlab chiqdik. Buning uchun siz oxirgi hayz kunining birinchi kunini va odatdagi hayz davrining davomiyligini bilishingiz kerak (hayz davri - 1 hayz kunidan keyingi hayzning 1 kunigacha bo'lgan kunlar sonini anglatadi; agar hayz davri tartibsiz bo'lsa, bir necha oy davomida davr sanalarini yozib oling va o'rtacha qiymatlarni hisoblang).
Ovulyatsiyaning taxminiy vaqtini bilib, homilador bo'lish uchun turmush o'rtog'ingiz bilan aloqa qilishning eng yaxshi vaqtini rejalashtirishingiz mumkin.
Homilador bo'lish uchun eng qulay vaqtni aniqlovchi boshqa belgilar quyidagilardan iborat:
Bachadon bo'yni shilliq qavatining xususiyatidagi o'zgarishlar. Bachadon bo'yni - bachadonning pastki qinga ochiluvchi tor qismidir. Bachadon bo'ynida hosil bo'luvchi shilliq qavatning xususiyati hayz davrida gormonlar ta'siri ostida o'zgaradi va homilador bo'lishga yordam berishi mumkin.
Ovulyatsiyadan oldin (tezda hayzdan keyin). Shilimshiq oz miqdorda hosil bo'ladi yoki shilimshiq hosil bo'lmaydi. Shilimshiq quyuq, yopishqoq, oq yoki shaffof bo'ladi, qin quruq qoladi. Tuxumhujayra bilan uchrashish uchun spermaga shilimshiq kerak bo'lganligi sababli, bu bosqichda homilador bo'lish ehtimoli juda kam.
Ovulyatsiya arafasida. Shilimshiq ishlab chiqarish ortadi, shilimshiq sarg'ish-oq yoki och sariq rangga aylanadi, qinning namligi seziladi. Bu vaqtda homilador bo'lish ehtimoli yuqori.
Ovulyatsiya davrida. Shilimshiq kamroq quyuq, shaffof va juda yopishqoq bo'ladi (xom tuxum oqsili kabi), qinda namlik seziladi. Ushbu davrda homilador bo'lish ehtimoli maksimal bo'ladi.
Ovulyatsiyadan keyin. Shilimshiq yana quyuqlashadi va yopishqoq bo'lib qoladi, qin quruq qoladi. Homilador bo'lish ehtimoli kamayadi. Bazal tana haroratining oshishi. Bazal tana harorati bu tinch holatdagi tana haroratidir. Bir necha oy davomida bazal haroratni qayd etish ovulyatsiya vaqtini aniqroq prognozlashga yordam beradi. Ovulyatsiya odatda kamida 3 kun davom etadigan harorat ko'tarilishining boshida sodir bo'ladi. Havo haroratining o'zgarishi, sayohat, sutkalik vaqt, parhez, ish soatlari va uyqu davomiyligi kabi omillar tana haroratiga ta'sir qiladi.
Aniq ma'lumot olish uchun, har kuni ertalab haroratni bir xil vaqtda, o'rindan tushishdan oldin, fertil yoki raqamli termometr bilan o'lchash yaxshiroqdir. Qorin og'riqlari. Har qanday qorin og'rig'iga e'tibor berishga harakat qiling, chunki yengil tortishib og'rishlar ovulyatsiya belgisi bo'lishi mumkin. Hayzdan oldingi alomatlar. Ovulyatsiya davrida sizda sut bezlarining kengayishi, ko'krak og'rig'i, qorin shishishi yoki kayfiyatning o'zgaruvchanligi kabi odatiy hayzdan oldingi alomatlar paydo bo'lishi mumkin.
Birgalikda bu vaqtdan zavqlaning
Bolaga homilador bo'lish quvonch keltirsin!
Bola tug'ishga qaror qilib, siz hayajon va sevgi davrini boshdan kechirasiz. Turmush o'rtog'ingiz bilan aloqani rohatlanishdan uzoq bo'lgan rejalashtirilgan aloqalar bilan cheklamang. O'zingizni bo'sh qo'ying va ishqiy lahzalardan birgalikda rohatlaning.
Homilador bo'lish haqida umumiy savollar
Homilador bo'lishga yoshning ta'siri bormi? Ha, tuxumhujayralar sifati va ovulyatsiya xususiyatlari sizning yoshingizga bog'liq bo'ladi. Farzand ko'rish qobiliyati 20 yoshdan 30 va undan ozgina katta yoshdagi ayollarda eng yuqori bo'ladi. Yosh shuningdek, sperma sifati va miqdoriga ta'sir qiladi. Homilador bo'lish uchun qancha vaqt kerak? Er-xotinlarning yarmida homiladorlik 2-3 oy ichida, 85% da — 1 yil davomida sodir bo'ladi.1,2 Biroq, barcha er-xotinlar har xil ekanligini tushunish muhimdir. Bola ko'rishi masalasiga tinchlangan holda va xotirjamlik bilan munosabatda bo'lish yaxshidir, chunki stress homilador bo'lishga yordam bermaydi. Homilador bo'la olmagan taqdirda nima qilish kerak? Agar siz hamma narsani to'g'ri qilayotgan bo'lsangiz-u, ammo homiladorlik 6 oy ichida sodir bo'lmasa, shifokorga maslahat so'rab murojaat qiling.
Ma'lumot manbalari:
- NHS Direct salomatlik ensiklopediyasi: Bepushtlik; Kirish. Ma'lumotlar havola orqali mavjud:http://www.nhsdirect.wales.nhs.uk/encyclopaedia/i/article/infertility/
- SCRC. Odatiy bola tashlab yuborishlar.
CH-20230227-54
